Himachali Kavita || हिमाचली कविता || Himachali Song || हिमाचली गाने ||हिमाचली धाम

Himachali Kavita || हिमाचली कविता || Himachali Song  || हिमाचली गाने

हिमाचली धाम

सत सब्जियाँ ,मिट्ठा भत्त |

भानू बोटी, बोलदा ही मत |

मदरा, मूँगी, रैंटा बणदा |

माह, चणे कन्ने पलदा |

तीणी पर चरोटी रख |

छाबड़िया नै पाईता भत्त |

लट्टा पर रखी चरोटी |

भत्त निकलेया जियाँ मोती |

भत्ता ने डल्ला भरी ता |

हुण मदरा कन्ने पलदा रखी ता |

माह, चणे ,रैंटे कन्ने खट्टे जो तड़का |

बस बणाई सकदा भानू बड़का |

भुक्ख लगी ,होई तैयारी |

लोग चली पए सड़का सड़का |

पंदी बछाईयाँ पत्तर बंडी ते |

छाँदे सारेयां दे लग रखी ते |

मजे लाई सारेयां खादी |

धाम मजेदार लगदी सादी |

धाम ,तीणी पर चरोटिया च बणाणी |

सारेयां पंगती च बैठी नै खाणी |

परंपरा ए बड्डी पराणी |

ओ नी जाणदे जिना होटलाँ च खाणी |

अन्य कवितायें 

• ना तेरी ना मेरी 
• माँ का दिल 
• गावां दा प्यार 
• मेरी लाड़ी 
• हिमाचली व्याह 
• पराणा कन्ने नौवां 
• माँ का  प्यार 
• पुराणियां खेलां 
• शहरी लोग