Himachali Kavita || हिमाचली कविता || Himachali Song || हिमाचली गाने
दारूए दे फायदे
आओ छोटी जेही कहाणी सुणाँदा ,
शारबे दे फायदे गणाँदा,
शराबे पी नै हौसला आँदा,
चूहा भी शेर बणी जाँदा |
नचणा जिस जो कदी नी आँदा ,
शराबे पी नै खोले पाँदा ||
आओ छोटी जेही कहाणी सुणाँदा ,
शारबे दे फायदे गणाँदा,
पढ़ाईया दा का नी आँदा,
शराबे पी नै अंग्रेजी गलाँदा |
बुढ़ापा तिस जो कदी नी आँदा,
शराबे दे दो पैग लगाँदा ||
आओ छोटी जेही कहाणी सुणाँदा ,
शारबे दे फायदे गणाँदा,
चिंता डर दूर चली जाँदा ,
जेड़ा दारूए नै चखणा भी खाँदा |
दारूए च ठंडा पाँदा,
एथी ओथी दी सब गलाँदा ||
आओ छोटी जेही कहाणी सुणाँदा ,
शारबे दे फायदे गणाँदा,
चोर उसदे घरो नी आँदा,
रस्ते च ही सब लैंदा जाँदा |
गड्डिया दा जहाज बणाँदा,
मरने दा डर चली जाँदा ||
आओ छोटी जेही कहाणी सुणाँदा ,
शारबे दे फायदे गणाँदा,
अन्य कवितायें
कोई टिप्पणी नहीं:
एक टिप्पणी भेजें
Your comments will encourage me.So please comment.Your comments are valuable for me