"इक निकी जेही हार क्या होई | भाईचारा या सौदा? | हिमाचली कविता"

"इक निकी जेही हार क्या होई | भाईचारा या सौदा? | पंजाबी कविता"

इक निकी जेही हार क्या होई ,भाऊए तां सब राज खोली ता I

भाईचारा नी था, सौदा था, सब विचार दसी ता l

बड्डा लम्बा था प्लान ,कईयां सदियां दी सोच ।

नहीं सही पाया तू , इक्की हारे दी खरोच । ।

अपणे अन्दरा दा सब भेद दसी ता । हे भगवान भाऊऐं हुण क्या करी ता ।

इक निकी जेही हार क्या होई ,भाऊए तां सब राज खोली ता I

भाईचारा नी था, सौदा था, सब विचार दसी ता l

हुण देआ दा कसमां, दस्सा दा देवते दा डर ।

 थैंक्यू,धन्यवाद करदा करदा घुम्मा दा घर घर ।

म्हारे सिरा पर रेहा करदे ,असांजो ही हराई ता ,

अपणिए जवाने भाऊए हुण , क्या गलाई ता ।

इक निकी जेही हार क्या होई ,भाऊए तां सब राज खोली ता I

भाईचारा नी था, सौदा था, सब विचार दसी ता l

सारेयां वोटरां जो,गद्दार दसी ता ,

भविष्य च मदद ना करने दा डर दसी ता ।

बड्डी सारी धमकियां दा अम्बार दसी ता ,

जो अज्जा तक कीता सै व्यापार दसी ता ।।

इक निकी जेही हार क्या होई ,भाऊए तां सब राज खोली ता I

भाईचारा नी था, सौदा था, सब विचार दसी ता l

कई जित्ते ,कईयां दी होई हार ,

पर,भाऊए साई कुनी नी दसेया प्यार ।

राजा जी ,तुसे प्रजा जो आईना दसी ता ,

पहले थे सारे खुल्ले ढुल्ले ,हुण तुसे हथ कसी ता।।

इक निकी जेही हार क्या होई ,भाऊए तां सब राज खोली ता I

भाईचारा नी था, सौदा था, सब विचार दसी ता l

तुसे ही थे साथी सहायक,तुसे ही थे अन्न दाता,

हुण क्या हुंगा ,जे तुसे बंद करी ता भाईचारे दा खाता ।

अपणे हिसाबा नै बोट देई,लोके ए क्या करी ता ,

इक बोट कने वादा, सारेयां जो करी ता ।

इक निकी जेही हार क्या होई ,भाऊए तां सब राज खोली ता I

भाईचारा नी था, सौदा था, सब विचार दसी ता l

Previous Post Next Post